Vigga.us-ը դանիական ընկերություն է, որը ստեղծել է շրջանաձև տնտեսության վրա հիմնված հագուստի բաժանորդագրության մոդել՝ նախատեսված երեխաների և հղիների համար։ Ընկերությունը տրամադրում է բարձրորակ, էկոլոգիապես մաքուր նյութերից պատրաստված հագուստ, որը հաճախորդները որոշ ժամանակ օգտագործում են, ապա վերադարձնում՝ նոր չափի հագուստ ստանալու համար։
Բիզնես մոդելը հիմնված է ռեսուրսների բազմակի օգտագործման վրա՝ նվազագույնի հասցնելով նոր արտադրության անհրաժեշտությունը և թափոնների ծավալը։ Ընկերությունը ստեղծել է փակ շրջանառության համակարգ, որտեղ հագուստը օգտագործվում է, վերադարձվում, վերանորոգվում և կրկին շրջանառվում է՝ երկարացնելով ապրանքների կյանքի ցիկլը և խթանելով կայուն սպառման մշակույթը։
Գործնթացի նկարագրությունը
VIGGA-ի մոդելի աշխատանքը կարելի է բաժանել մի քանի հիմնական փուլերի, որոնցից յուրաքանչյուրն ունի իր դերակատարությունը
1․ Ծնողները միանում են VIGGA A/S-ին ՝ ամսական մոտ 55 ԱՄՆ դոլար վճարելով։ Դրա դիմաց նրանք ստանում են 16–20 կտոր բարձրորակ, էկոլոգիապես մաքուր նյութերից պատրաստված մանկական հագուստ։
2․ Երբ երեխան մեծանում է և հագուստը փոքրանում է, ընտանիքը այն վերադարձնում է ընկերությանը։ Դրա փոխարեն նրանք անմիջապես ստանում են երեխայի նոր չափին համապատասխան հավաքածու։
3․Վերադարձված հագուստը չի մնում անօգուտ․ այն անցնում է մանրակրկիտ լվացման, որակի ստուգման և անհրաժեշտության դեպքում՝ վերանորոգման գործընթաց։ Այսպիսով յուրաքանչյուր հագուստ պատրաստվում է իր երկրորդ և երրորդ կյանքին։
4․Մաքրված ու հավաստագրված հագուստը կրկին շրջանառվում է նոր ընտանիքների միջև։ Այս փակ ցիկլը թույլ է տալիս, որ նույն հագուստը ծառայեցվի բազմաթիվ երեխաների՝ երկարացնելով դրա կյանքի տևողությունը։
Այս մոդելը հնարավորություն է տալիս յուրաքանչյուր հագուստի հաշվով միջինում 70–85%-ով կրճատել տեքստիլ թափոնները։ Այն ոչ միայն նվազեցնում է շրջակա միջավայրի ծանրաբեռնվածությունը, այլև ծառայում է որպես օրինակ՝ ոգեշնչելով ավելի լայն արդյունաբերական և սպառողական փոփոխություններ դեպի կայուն ապագա։
Օրինակը պատրաստեցին Հայաստանի Պետական Տնտեսագիտական Համալսարանի Գյումրու մասնաճյուղի Կառավարում մասնագիստության բակալավրիատի 4-րդ կուրսի ուսանողուհիներ Մանոյան Ալինան և Ներսիսյան Սոնան
