Հագուստ արտադրող Patagonia ընկերությունը նորաձևության ոլորտում շրջանաձև տնտեսության սկզբունքների կիրառման առաջատարներից է։
2013 թվականին մեկնարկած Worn Wear ծրագիրը խրախուսում է հաճախորդներին վերադարձնել օգտագործված հագուստը՝ դրա դիմաց ստանալով զեղչի կտրոններ։ Ընկերությունը վերանորոգում և վերավաճառում է այդ իրերը՝ դրանց «երկրորդ կյանք» պարգևելով։
Patagonia-ն Հյուսիսային Ամերիկայում գործարկել է հագուստի վերանորոգման ամենամեծ կենտրոնը, որտեղ տարեկան վերանորոգվում է շուրջ 50․000 իր։ Բացի այդ, ընկերության շարժական և խանութային վերանորոգման կետերը նպաստում են հանրության շրջանում վերօգտագործման մշակույթի ձևավորմանը։
Այս նախաձեռնությունը զգալիորեն նվազեցնում է նոր հագուստի արտադրության կարիքը՝ կրճատելով տեքստիլ թափոնների ծավալը և ընկերության ածխածնային հետքը։ Արտադրության ծավալների կրճատումը նաև խնայում է ջուր, էներգիա և հումք։ Patagonia-ի հաջողությունը, որը Դավոսում արժանացել է շրջանաձև տնտեսության մրցանակի, ապացուցում է, որ վերանորոգման և վերօգտագործման վրա հիմնված բիզնես մոդելը կարող է ապահովել կայունություն՝ միաժամանակ պահպանելով հաճախորդների վստահությունն ու հավատարմությունը։
Հաջողված փորձի օրինակ
Patagonia-ն Հյուսիսային Ամերիկայում բացեց գործարան, որտեղ վերանորոգվում է շուրջ 50․000 իր։ Ընկերությունը նաև արժանացել է շրջանաձև տնտեսության ոլորտում միջազգային մրցանակի։
Արդյունքներ և ազդեցություն
Եզրակացություն
Patagonia-ի օրինակը ցույց է տալիս, որ հնարավոր է կիրառել շրջանաձև տնտեսության մոդելը նաև հագուստի ոլորտում և հասնել զգալի հաջողությունների։ Այս մոտեցումը ոչ միայն նվազեցնում է շրջակա միջավայրի վրա թողած ազդեցությունը, այլև ամրապնդում է ընկերության դիրքը շուկայում՝ միաժամանակ ձևավորելով պատասխանատու սպառման մշակույթ։
Հոդվածը պատրաստեցին Կոտայքի տարածաշրջանային պետական քոլեջի ուսանողներ Վերոնիկա Հովակիմյանը,Մանե Խաչատրյանը, Ալվինա Մելքոնյանը, Ֆենյա Մանուկյանը, Թամարա Խաչատրյանը, Զարուհի Ավետիսյանը, Սյուզի Մելքոնյանը։
