«Շրջանաձև Գլազգոն» Գլազգոյի Առևտրի պալատի նախաձեռնությունն է, որն օգնում է քաղաքին մինչև 2045 թ․ դառնալ ամբողջովին շրջանաձև։
2021-ին իրականացվեց «Մատուցում՝ Գլազգոյի համար» արշավը, որի նպատակն էր նվազեցնել սննդի թափոնները հյուրընկալության ոլորտում։ Մասնակցած 41 հաստատությունները ստեղծեցին նոր ուտեստներ ու խմիչքներ՝ օգտագործելով այն մթերքների մասերը, որոնք սովորաբար դառնում էին թափոն։ Դրանք ճաշացանկում ընդգրկվեցին որպես «հերոս սնունդ»։
Այս արշավի հիմնական մոտեցումները հետևյալն էր
- Օգտագործել բաղադրիչների այն մասերը, որոնք սովորաբար դեն էին նետվում։
- Կիրառել չորացում, մարինացում, ծխեցում, ֆերմենտացում՝ սնունդը փչացնելուց խուսափելու համար։
- Ավելցուկ սննդից նոր կերակրատեսակներ ստանալ
Արշավի ընթացքում սպառվեց ավելի քան 4,000 նոր կերակրատեսակ, և հաստատությունների 88%-ը որոշեց դրանք հետագոյւմ էլ պահել իրենց ճաշացանկում։ Արդյունքում մասնակից բիզնեսները գրանցեցին ծախսերի խնայողություն, թափոնների նվազում, աշխատակազմի վարքագծի փոփոխություն և հաճախորդների ավելի մեծ ներգրավվածություն։
Գծային և շրջանաձև մոտեցման համեմատությունը
Նախկինում ռեստորաններն ու սրճարանները սովորաբար դեն էին նետում բանջարեղենի ցողունները, մսի մնացորդները կամ արագ փչացող մթերքները։
Շրջանաձև մոտեցմամբ նույն բաղադրիչները վերափոխվեցին նոր ուտեստների ու խմիչքների, օրինակ՝ չորացում, մարինացում, ծխեցում և ֆերմենտացում կիրառելով։
Ի՞նչ ռազմավարություն է օգտագործվել
Այս օրինակում օգտագործվել է
- Նվազեցում (Reduce) – զգալիորեն նվազեց սննդի թափոնների ծավալը։
- Կրկնակի օգտագործում (Reuse) – բաղադրիչների այն մասերը, որոնք սովորաբար դեն էին նետվում, դարձան նոր ուտեստների հիմք։
- Վերաիմաստավորում (Rethink) – խոհարարները վերանայեցին ճաշացանկի ստեղծման մոտեցումը՝ ստեղծելով ավելի կայուն տեսակներ։
Օրինակը պատրաստեցին Սպիտակի պետական քոլեջի “Հաշվողական տեխնիկայի և ավտոմատացված համակարգերի ծրագրային ապահովում” մասնագիստության 3-րդ կուրսի ուսանողներ Արշակ Մխիթարյանը և Ավետ Մխիթարյանը
