2020 թվականին Renault Group-ը Փարիզի մերձակայքում գտնվող իր պատմական Ֆլինս գործարանը վերափոխեց և ստեղծեց Եվրոպայի առաջին խոշոր գործարանը, որը ամբողջությամբ նվիրված է շրջանաձև տնտեսությանը։ Այս նոր բիզնես մոդելը կոչվում է Refactory, և դրա հիմնական նպատակը մեքենաների կյանքի ցիկլի երկարաձգումն է․ այսինքն՝ մեքենաներն այլևս պարզապես չեն դեն նետվում, այլ վերանորոգվում են, մասերը վերօգտագործվում կամ վերամշակվում են, իսկ մարտկոցները ստանում են «երկրորդ կյանք»։
Refactory-ն իր աշխատանքը բաժանել է չորս հիմնական ուղղությունների․
- RE-TROFIT – մեքենաների վերականգնում և վերանորոգում՝ դրանք կրկին վաճառքի հանելու համար։
- RE-ENERGY – էլեկտրամեքենաների մարտկոցների «երկրորդ կյանք»՝ դրանք օգտագործելով էներգիայի պահեստավորման համակարգերում։
- RE-CYCLE – մեքենաների մասերի և նյութերի տեսակավորում ու վերամշակում՝ նոր արտադրանք ստեղծելու համար։
- RE-START – նորարարությունների և մասնագիտական հմտությունների զարգացում, որտեղ աշխատակիցներն ու գործընկերները սովորում են նոր շրջակա մոդելի մասին։
Այս մոտեցման շնորհիվ Renault-ն ոչ միայն նվազեցնում է թափոններն ու խնայում ռեսուրսները, այլև ստեղծում է նոր աշխատատեղեր։ Ընկերությունը նախատեսում է մինչև 2030 թվականը Refactory-ում ունենալ ավելի քան 3000 աշխատող։ Բացի այդ, Renault-ի հաշվարկներով մինչև նույն տարեթիվը տարեկան շուրջ 120,000 մեքենա կարող է վերանորոգվել կամ վերամշակվել՝ ապահովելով շուկայի համար ավելի մատչելի և կայուն տրանսպորտային միջոցներ։
Հաջողված փորձը
Renault-ի Refactory-ն արդեն գործնականում ապացուցել է իր արդյունավետությունը․ վերանորոգված մեքենաները մեծ պահանջարկ ունեն երկրորդային շուկայում, իսկ մարտկոցների վերօգտագործումը թույլ է տալիս էապես նվազեցնել նոր հումքի կարիքը։ Գործարանը նաև դարձել է ուսումնառության և փորձի փոխանակման կենտրոն, որտեղ եվրոպական այլ ընկերություններ գալիս են ուսումնասիրելու այս մոդելի կիրառությունը։
Արդյունքները և ազդեցությունը
Շրջակա միջավայրի վրա ազդեցություն․ նվազել է մեքենաների և մարտկոցների թափոնների ծավալը, իսկ վերամշակված մասերի կիրառումը կրճատել է հումքի պահանջարկը:
Ընկերությունը ձևավորում է նոր եկամտի աղբյուր՝ վերանորոգված մեքենաների վաճառքի և մարտկոցների երկրորդային օգտագործման միջոցով։
Սոցիալական ազդեցություն․ ստեղծվել են հազարավոր նոր աշխատատեղեր և վերապատրաստման հնարավորություններ տեղական համայնքի համար։
Եզրակացություն
Renault Group-ի Refactory-ն շրջակա տնտեսության ոլորտում համարվում է եվրոպական առաջատար փորձ։ Այն ցույց է տալիս, որ ավտոմոբիլային արդյունաբերությունը կարող է անցում կատարել դեպի ավելի պատասխանատու և կայուն մոդել՝ միաժամանակ ապահովելով տնտեսական աճ և սոցիալական զարգացում։ Այս օրինակը փաստում է, որ մեքենաների կյանքը հնարավոր է երկարացնել՝ վերանորոգման և վերամշակման միջոցով, ինչը միաժամանակ օգուտ է բերում թե՛ ընկերությանը, թե՛ հասարակությանը։
Հոդվածը պատրաստեցին Գավառի ավագ դպրոցի աշակերտներ Մկրտիչ Տոնոյանը, Գոռ Վարդանյանը, Մնացական Մուխսիկարոյանը, Յուրա Պարոնիկյանը, Լևոն Հովհաննիսյանը։
