Ուղեցույց ՀԿ-ն մայիսի սկզբից մեկնարկել է նոր նախաձեռնություն․ Educate and circulate (Edu-C) ծրագիրը: Այն իրականացվում է CirculUP! ենթադրամաշնորհային ծրագրի շրջանակներում՝ Եվրոպական միության ֆինանսավորմամբ։
Ծրագրի նպատակն է՝ ուսանողներին կրթելու միջոցով հանրությանը իրազեկել շրջանաձև տնտեսության մասին և զարգացնել դրա վերաբերյալ կրթական միջավայրը Հայաստանում։
Ծրագրի ընթացքում իրականացվելու են մի շարք գործողություններ, այդ թվում․ դասավանդողների համար հայալեզու ու արդի էլեկտրոնային ուսումնական ձեռնարկի մշակում , դասախոսների և ուսուցիչների վերապատրաստում, աշխատարաններ ուսանողների հետ, որոնք ընթացքում մասնակիցները ոչ միայն կստանան շրջանաձև տնտեսության վերաբերյալ կարևոր գիտելիքներ, այլև ձեռք կբերեն շրջանաձև տնտեսության մոդելները հետազոտելու, վերօգտագործման, վերամշակման, ինչպես նաև պատասխանատու սպառման հաջողված օրինակները հետազոտելու և դրանցից ուսումնական նյութեր պատրաստելու գործնական հմտություններ։
Ուսանողների կողմից պատրաստված նյութերը հրապարակվելու են Ուղեցույց ՀԿ-ի կայքում Edu-C ծրագրի համար հատուկ նպատակով բացված ենթաէջում և տարածվելու են սոցիալական հարթակներում։ Այստեղից էլ մեր ծրագրի սկզբունքը․ շրջանաձև տնտեսության շրջանաձև ուսուցում։ Կրթում ենք, որպեսզի այնուհետև շրջանառենք այդ գիտելիքը և հասանելի դարձնենք հանրության ավելի լայն շերտերի համար։
Ծրագիրը իրականացվում է ԵՄ ֆինանսավորմամբ CirculUP! ենթադրամաշնորհային ծրագրի շրջանակում։
